གནས་ལུགས་གང་ཞིག་ལ་རང་ལྟ་མཆོག་འཛིན་དང་། རང་བློ་འཕྲེད་གཅོད་ཀྱིས་དབང་དུ་མ་སོང་པར། བདེན་པ་ཉིད་གཙིགས་སུ་བཀུར་ཞིང་དཔྱོད་ཤེས་ཀྱི་བློ་མིག་ལྡན་པས་ཀློག་པ་པོ་དང་དྲ་གྲོགས་ལྷན་རྒྱས་ལ་ཞུ་གསོལ།
ད་ལོའི་ཕྱི་ཟླ་དགུ་པའི་ཚེས་བཅུ་གསུམ་ནི་ཉི་འཛིན་རེད་ཅེས་དྲ་ལམ་དང་གསར་འགྱུར་ཁག་ན་བསྒྲོགས་ཀྱིན་འདུག དེ་དང་མཉམ་དུ་དགེ་བ་གང་སྒྲུབ་འབུམ་འགྱུར་མང་པོར་འགྲོ་ཞེས་འུར་བསྒྲོགས་ཡང་བར་མཚམས་མེད་པར་བྱེད་དང་བྱེད་ཀྱིན་འདུག བདག་གིས་བསམ་གཞིགས་ཅི་ལྟར་བཏང་ཡང་དགེ་བ་འབུམ་འགྱུར་དུ་འགྲོ་ཚུལ་ཁྱོན་ནས་ཤེས་ཀྱིན་མི་འདུག སྤྱིར་བཅོ་ལྔ་དང་གནམ་གང་སོགས་བོད་ཀྱི་དུས་ཆེན་ཞིག་དུ་བརྩི་སྲོལ་ཡོད་ཀྱང་། ཟླ་འཛིན་ལ་བྱེ་བ་བདུན་འགྱུར་དང་། ཉི་འཛིན་ལ་བྱེ་བ་འབུམ་འགྱུར་ཞེས་ཉི་འཛིན་དང་ཟླ་འཛིན་ལ་ལྷག་པར་འགྱུར་ཆེ་བར་བཤད་པ་དེ་ཅི་ཞིག་ཡིན་ནམ །
ལུང་ཙམ་ལ་ཁས་འཆེས་མི་བྱེད་པར་གནས་ལུགས་ལྡན་པའི་སྐད་ཆ་རེ་དང་རིགས་པས་སྒྲུབ་བྱེད་ཡང་དག་རེ་ཅིས་ཀྱང་ཡོད་པར་ཞུ།།
