BB：
有几耐无甘样叫过你啦？好多年啦。记得初初见你，你好独立，好镇定，好靓女，笑得好斯文。我地倾得好开心，虽然你隔离有件秤砣，但无阻碍我对你产生的浓厚兴趣。可能就系果晚我就对你一见钟情，但我太迟钝，竟然无反应过来。好在我地后来都系顺利甘起埋一起了。
仲记得我第一次系条街度叫你BB，你仲怕丑，一路扭拧，但又笑得好甜好甜，果个笑容好似一道光，直接照射入我个心入面，留左系度，一直到宜家。
我真系好中意见到你开开心心笑既样子，每次见你喊我都好紧张，因为我唔知系咪自己又做错野惹到你唔开心，当初憨居居既我系无反应过来自己的错，到后来你同我讲清楚我至知自己错系边。对唔住啊，BB，老公唔识锡我BB，搞到BB成日都唔开心。
记得果年系故宫珍宝殿前既银杏林入面对你求婚，你应承我果阵，你笑得好温柔好甜蜜，我一直无法忘怀。
我应承过要俾你一个屋企，五年来我一直都向住呢个目标进发，但系迈向呢个目标的过程中，我忽略左自己承担一个屋企呢个责任的能力其实一直都未完善出来，就甘向你承诺左，每次我却都系在你最需要我既时候，无第一时间赶到你身边，令你失望了。最后，我仲要过分到系你病危果阵，逃离你，抛弃你，令到你就此崩溃，真系好对唔住。
BB，多谢你一直包容我既任性同唔懂事，仲教识我咩叫生活，仲带我去睇呢个世界仲有好多我前所未见既美好。呢五年来，真系好多谢你可以一直陪住我。
你系我的天使，系上天恩赐我既最好既祝福。可惜，我无好好甘爱惜你，将你整唔见左。我觉得万分抱歉，但伤害已经造成，睇到你甘伤，我个心好似刀绞甘痛，但呢d痛系我抵死噶。因为我抛弃左你呢个可能系呢个世界上最爱我的人。
BB，我有个请求：我想同你做一辈子既屋企人，可以吗？我知道甘样对你好残忍，但我真系唔放心你。系你揾到一个真正懂得珍惜你，爱护你的对象之前，我可唔可以一直都系你的妈咪啊？如果你愿意，系你揾到果个真正懂得爱你的人之后，我仍然会系你妈咪，我仍然会为你搭建一个专属于我哋自己的屋企。甘样可以吗？你一直系我既心肝宝贝锭，我想一直叫你做“宝宝”，可以吗？
——————2022年11月 羅卡
